Вид на город Ханкенди, фото из архива - Sputnik Azərbaycan
QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Müdafiə Nazirliyi Ermənistan tərəfinin yalanını ifşa etdi

© Photo : AR Müdafiə Nazirliyinin mətbuat xidmətiErmənistana məxsus vurulan pilotsuz uçuş aparatlarından birindən əldə edilimiş foto
Ermənistana məxsus vurulan pilotsuz uçuş aparatlarından birindən əldə edilimiş foto - Sputnik Azərbaycan
Xəbərlərə abunə olun
НовостиTelegram
"Bu, bir daha sübut edir ki, Ermənistanın hərbi-siyasi rəhbərliyi bütün fəaliyyətlərini yalnız yalan və saxtakarlıq üzərində qurmaqla dünya ictimaiyyətini aldatmağa cəhd göstərir"

BAKI, 13 dek — Sputnik. Dekabr ayının 12-də cəbhə xəttinin müxtəlif istiqamətlərində 2 ədəd pilotsuz uçuş aparatını (PUA) itirən erməni tərəfi hər zaman olduğu kimi absurd bəhanələr gətirməklə real faktı növbəti dəfə inkar etməyə çalışır. Bu barədə Sputnik-ə Müdafiə Nazirliyinin (MN) mətbuat xidmətindən məlumat verilib.

"Ermənistan Müdafiə Nazirliyinin nümayəndəsi, utanmadan onlara məxsus, vurulmuş PUA-ları bu dəfə guya "Azərbaycanlı uşaqların oyuncaqları" kimi qələmə verir. Halbuki, bu vaxtadək elə Yerevanın müxtəlif səviyyəli rəsmiləri özləri etiraf edərək, Ermənistan ordusunun təminatına küstar üsulla və əldəqayırma pilotsuz uçuş vasitələrinin daxil edilməsi barədə dəfələrlə məlumatlar səsləndiriblər", — məlumatda bildirilir.

"Fotonun sol və sağ künclərində pərlərdən də göründüyü kimi, bu foto Ermənistana məxsus vurulan pilotsuz uçuş aparatlarından birindən əldə edilib. Fotoda PUA uçuşa buraxılmadan əvvəl aparatı idarə etmək üçün əlində pult olan hərbi qulluqçu və onun ətrafına toplaşan digər hərbçilərin prosesi izləməsi təsvir olunub. Bu, bir daha sübut edir ki, Ermənistanın hərbi-siyasi rəhbərliyi bütün fəaliyyətlərini yalnız yalan və saxtakarlıq üzərində qurmaqla dünya ictimaiyyətini aldatmağa cəhd göstərir", — nazirlik əlavə edir.

Xəbər lenti
0