BAKI, 9 dek — Sputnik. Rusiya rəsmiləri üçün yaradılmış messencerlərə antivirus proqramı inteqrasiya olunacaq. RİA "İzvestiya"ya istinadən yazır ki, dövlət xidmətlərinin informasiya mübadiləsinin hücumlara qarşı zəifliyini rus hakerləri yoxlayacaqlar.
Rusiyanın İnternetin İnkişafı İnstitutu artıq regional hakimiyyət orqanlarında yoxlanılmalı olan 13 messencer seçib. İnstitut xidmətlərin öyrənilməsini 2017-ci ilin yanvar ayında başa çatdırmağı planlaşdırır. Sonra isə "finalçıları" əlavə olaraq kibertəhlükəsizlik üzrə ekspertlər yoxlayacaqlar.
