BAKI, 2 dek — Sputnik. "Türkiyədə təhlükəsizliyin hələ də tam normal olmadığını nəzərə alaraq, ilk addım kimi xidməti pasportu olanlara vizasız rejim tətbiq etməyə hazırıq".
Sputnik Milliyet-ə istinadən xəbər verir ki, bunu Rusiya xarici işlər nazirinin müavini Aleksey Meşkov deyib. Onun sözlərinə görə, iki ölkə arasında ticarət əlaqələrini gücləndirmək üçün şərait yaratmaq vacibdir və Kreml buna hazırdır.
Xatırladaq ki, bu ilin avqustunda Türkiyə prezidenti Rəcəb Tayyib Ərdoğanla görüşən Rusiya prezidenti Vladimir Putin bu ölkə vətəndaşlarına tətbiq edilən viza rejimini addım-addım aradan qaldırmağa hazır olduqlarını bildirmişdi.
