BAKI, 4 okt — Sputnik. Rusiya prezidenti Vladimir Putin oktyabrın 10-da Türkiyəyə səfər edəcək. Sputnik xəbər verir ki, bunu Rusiya Prezidentinin köməkçisi Yuri Uşakov jurnalistlərə açıqlamasında deyib.
Uşakovun sözlərinə görə, həmin gün Türkiyə prezidenti Rəcəb Tayyib Ərdoğan rusiyalı həmkarını qəbul edəcək: "Cənab Putin İstanbulda keçirilən enerji konqresində çıxış edəcək və Rəcəb Tayyib Ərdoğanla görüşəcək".
Qeyd edək ki, bu ayın 9-dan 13-dək İstanbulda Beynəlxalq Enerji Konqresi keçiriləcək. Bu tarixdə Türkiyə-Rusiya hökumətlərarası komissiyasının da iclası olacaq.
