BAKI, 4 okt-Sputnik. Rusiya sentyabrda avqust ayı ilə müqayisədə 4 faiz artımla gündəlik 11,11 milyon barrel neft istehsal edib. Bu, Sovet dövründən sonra Rusiyanın yeni istehsal rekordudur.
Sputnik Rusiyanın Energetika Nazirliyinin saytında yayınlanan məlumata istinadla xəbər verir ki, neft hasilatındakı rekord səviyyədəki artım neft kvotasının düzəlməsi fonunda reallaşıb.
Sentyabr ayında Rusiyanın təbii qaz istehsal həcmi də keçən ilin eyni dövrünə görə 5,15 faiz nisbətində artıb. Beləliklə təbii qaz istehsal həcmi gündəlik 1,71 milyard kubmetrə çatıb. Avqustla müqayisədə təbii qaz istehsal həcmi sentyabr ayında 16,5 faiz nisbətində artıb.
