BAKI, 4 okt-Sputnik. Rusiya neft gəlirlərindən asılılığını yaxın 10-12 il ərzində bitirə bilər.
Sputnik-in məlumatına görə, Rusiyanın keçmiş maliyyə naziri, hazırda Strategiya Hazırlıqları Mərkəzinin direktoru Aleksey Kudrin "Biznesin atlantları" forumundakı çıxışında belə deyib.
O qeyd edib ki, Rusiyanın 10-12 il sonra qeyri-əmtəə ixracı əmtəə ixracını üstələyəcək:
"Biz yalnız qeyri-əmtəə ixracı əmtəə ixracını üstələdikdə ölkənin neft asılılığından qurtardığını deyə biləcəyik."
Kudrin həmçinin bildirib ki, Rusiya 4-5 il sonra 3-4% iqtisadi artıma nail ola bilər.
Xatırladaq ki, bu ilin ilk 8 ayı ərzində illik müqayisədə Rusiyanın ÜDM-i 0,7% azalma göstərib.
