BAKI, 24 sen – Sputnik. Dağıstanın Tabasaran rayonunda 3 silahlı zərərsizləşdirilib.
Sputnik Rusiya mətbuatına istinadən xəbər verir ki, bu barədə respublikanın hüquq-mühafizə orqanlarından bildirilib.
Məlumata görə, sentyabrın 24-də gecə saatlarında polislər "Lada Kalina" markalı avtomobili yoxlamaq üçün saxlamağa cəhd göstərib. Bu zaman avtomobildən odlu silahdan atəş açılıb, cavab tədbiri nəticəsində maşındakılar zərərsizləşdirilib.
Xəbərdə bildirilib ki, avtomobil yandığından onların şəxsiyyətləri hələ də müəyyənləşdirilməyib.
