BAKI, 9 avq-Sputnik. "Türkiyə-Azərbaycan-Rusiya üçtərəfli formatı yaradıla bilər. Biz prezident Vladimir Putinlə bu məsələni də müzakirə etdik".
Rusiyada səfərdə olan Türkiyə prezidenti Rəcəb Tayyib Ərdoğan rusiyalı həmkarı Vladimir Putinlə görüşündən sonra keçirilən mətbuat konfransında belə deyib.
O, qeyd edib ki, Türkiyə Azərbaycan və Rusiya ilə üçtərəfli formatın yaradılması mexanizminə müsbət baxır.
Qeyd edək ki, Türkiyə prezidentinin Sankt-Peterburq səfəri bu gün baş tutub. Səfərin məqsədi iki ölkə arasında Rusiyaya məxsus Su-24 təyyarəsinin vurulmasından sonra yaranmış böhranın aradan qaldırılması, əlaqələrin bərpa edilməsidir.
