BAKI, 5 iyul — Sputnik. Rusiya prezidenti Vladimir Putin ölkəsində yaşayan müsəlmanları Ramazan bayramı münasibətilə təbrik edib. Sputnik RİA-ya istinadən xəbər verir ki, Putin müsəlman icmaların milli və dinlərarası dialoqun inkişafında vacib rol oynadığını deyib.
"Çoxəsrlik dini, tarixi, mədəni ənənələrə əsaslanan Rusiya müsəlmanları bu nurlu bayramı icmaları, yaxın və əziz adamları ilə birgə qeyd edirlər. Ramazan bayramında oruc tutulan günlərin ruhi qazancının yekunlarının hesabını aparmaq, imkanı olmayanlara yardım etmək əsas sayılır", — Putin deyib.
O, bu gün Rusiyanın müsəlman ümmətinin firavan yaşadığını bildirib: "Yeni məscidlər tikilir, İslam Akademiyasının əsası qoyulub, universitetlər, mədrəsələr yaradılır, islam təhsili verən, müsəlmanların müqəddəs yerlərə ziyarətini təşkil edən təşkilatlar artırılır. MDB ölkələrinin müftiləri və xaricdə yaşayan müsəlmanlarla əməkdaşlıq genişləndirilir".
