BAKI, 17 iyun-Sputnik. Rusiya Federasiyasının prezidenti Vladimir Putin ABŞ-ı dünyada yeganə super güc hesab etdiyini bildirib.
Sputnik-in məlumatına görə, Sankt-Peterburqda keçirilən Beynəlxalq İqtisadi Forumunda çıxış edən Putin Rusiyanın dünyadakı 1 nömrəli rəqibi barədə deyib:
"Amerika böyük dövlətdir. Bu gün yəqin ki, yeganə super gücdür. Biz bunu qəbul edirik."
V.Putin qeyd edib ki, Moskva ABŞ-la işləməyə hazırdır:
"Dünyaya ABŞ kimi güclü dövlət lazımdır. Bu, bizə də lazımdır. Amma bizə onların daim bizim işimizə qarışmaları, necə yaşamaqla bağlı bizə göstəriş vermələri, Avropanın bizimlə münasibət qurmasına mane olmaları lazım deyil".
