BAKI, 20 may — Sputnik. Rusiya prezidenti Vladimir Putin işlərinin çox olması səbəbindən, İstanbulda keçiriləcək Ümumdünya Humanitar Forumunda iştirak etməyəcək.
Sputnik RİA-ya istinadən xəbər verir ki, bu barədə jurnalistlərə açıqlamasında Putinin mətbuat katibi Dmitri Peskov məlumat verib. Onun sözlərinə görə, forumda Rusiya başqa səviyyədə təmsil olunacaq.
Xatırladaq ki, Humanitar Məsələlərə Dair Dünya Sammiti mayın 23-24-də Türkiyənin İstanbul şəhərində keçiriləcək. BMT-nin baş katibi Pan Gi Mun dünya liderlərini təşkilatın 70 illik tarixində ilk dəfə təşkil olunan dünya sammitində iştirak etməyə çağırıb.
