BAKI, 29 apr — Sputnik. Milli Məclisin bu gün keçirilən plenar iclasında cari məsələlərə baxılır. Sputnik xəbər verir ki, deputatlar cari məsələlərdən və cəbhə xəttində baş verən hadisələrdən danışırlar.
Millət vəkili Fəzail Ağamalı çıxış edərək deyib ki, Azərbaycan atəşkəsə əməl edir, amma Ermənistan yenə də nəticə çıxarmayaraq təxribatlarını davam etdirir: "Son günlər mülki əhalimizin yaralanması Ermənistan rejiminin mahiyyətini tam ortaya qoyur. Bu cinayət əməllərinə qarşı beynəlxalq təşkilatlar ciddi addımlar atmalıdır".
