QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Azərbaycan MN Ermənistanın müdafiə nazirinin müavininin iddialarına cavab verib

© Sputnik / STRМинистерство обороны Азербайджанской Республики
Министерство обороны Азербайджанской Республики - Sputnik Azərbaycan
Abunə olmaq
Azərbaycan Müdafiə Nazirliyi Ermənistan müdafiə nazirinin müavini David Tonoyanın guya Azərbaycanın ilk hücuma keçməsi barədə açıqlamalarını şərh edib.

BAKI, 16 apr — Sputnik. Ermənistanın Müdafiə nazirinin müavini David Tonoyanın xarici ölkələrin hərbi attaşeləri üçün keçirdiyi konfransda hərbi xəritələri təqdim edərək, guya Azərbaycanın ilk hücuma keçməsi barədə açıqlamalarına Azərbaycan Müdafiə Nazirliyi münasibət bildirib.

Nazirliyin mətbuat xidmətindən Sputnik-ə göndərilən məlumatda bildirilir ki, “David Tonoyan hərbi forma geyinməsinə baxmayaraq, qeyri-peşəkar və mülki şəxsə məxsus mülahizələrlə çıxışı ilə erməni hərbi rəhbərliyinin bu əməliyyatlarda bacarıqsızlığını ört-basdır etməyə, eyni zamanda xarici dövlətlərin nümayəndələrinin fikirlərini yanlış istiqamətə yönəltməyə çalışıb".

"Həmin xəritələr adi işçi xəritələridir, təlimlərdə belə istifadə edilir və orada müəyyən hədəflər, aviasiya vasitələrinin uçuş marşrutları əks olunub. Odur ki, bu erməni tərəfinin iddia etdiyi kimi Azərbaycanın döyüş əməliyyatlarına birinci başlamasının heç də sübutu deyil.

Biz, atəşkəs elan edilməsinə baxmayaraq Ermənistanla müharibə şəraitində yaşayırıq. Bu səbəbdən də hərbi birliklərdə, qoşun növlərində istifadə olunan bütün döyüş sənədləri real vəziyyəti və qarşıya qoyulan tapşırıqları əks etdirir. Hərbi texnika, digər hərbi vasitələr, eləcə də döyüş təminatını yerinə yetirən qüvvələrimizin cəbhəboyu zonada qarşı tərəfdən daha əlverişli, üstün mövqelərdə yerləşdirilməsi, yerdəyişməsi və tətbiqi hərbi maraqlarımıza xidmət edir və qoşunlarımızın düşmən üzərində qələbəsini təmin etmək məqsədini daşıyır.

Bildiririk ki, Azərbaycan tərəfində də düşmənə məxsus kifayət qədər məxfi xəritələr, döyüş və digər sənədlər var. Onların əhəmiyyətini, vacibliyini nəzərə almaqla araşdırılması, işlənilməsi və təhlilinin aparılması müvafiq xidmətlər tərəfindən icra edilir", deyə Müdafiə nazirliyi vurğulayıb.

Xəbər lenti
0