BAKI, 5 apr — Sputnik. ATƏT-in Minsk qrupunun həmsədrləri aprelin 9-da İrəvanda olacaqlar. Bu barədə RİA Novosti-yə Ermənistan XİN mətbuat katibi Tiqran Balayan məlumat verib.
Daha əvvəl Fransa XİN rəsmi nümayəndəsi Romen Nadal ATƏT-in Minsk qrupunun ABŞ, Fransa və Rusiyadan olan həmsədrlərinin yaxın günlərdə Azərbaycan və Ermənistana gedəcəklərini bildirmişdi.
"Həmsədrlər əvvəlcə Ermənistan prezidenti Serj Sarqsyan və xarici işlər naziri Edvard Nalbandyanla görüşəcəklər", deyə Balayan bildirib.
