QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Dinc sakinlər arasında ölən və yaralananlar var

танки, Агдам
танки, Агдам - Sputnik Azərbaycan
Abunə olmaq
Millət vəkili Rövşən Rzayev: Ağır texnikalardan, iri çaplı silahlardan güclü şəkildə istifadə olunması yerli əhali üçün gözlənilməz olub və böyük təhlükə yaradıb.

BAKI, 2 aprel-Sputnik. Dinc sakinlər arasında ölən və yaralananlar var.

Sputnik Milli Məclisin saytına istinadla xəbər verir ki, bu barədə Azərbaycan Respublikasının Dağlıq Qarabağ bölgəsinin Azərbaycanlı İcmasının İdarə heyətinin üzvü, millət vəkili Rövşən Rzayev MM-in mətbuat xidmətinə bildirib.

Məlumatda qeyd olunub ki, aprelin 1-dən 2-nə keçən gecə Ermənistanın silahlı qüvvələri cəbhənin Tərtər istiqamətində növbəti dəfə atəşkəsi pozublar. Gecə saatlarından başlayaraq bu hal daha da intensivləşib. Ağır texnikalardan, iri çaplı silahlardan güclü şəkildə istifadə olunması yerli əhali üçün gözlənilməz olub və böyük təhlükə yaradıb. Dinc sakinlər arasında ölən və yaralananlar var.

"ATƏT-in Minsk qrupu çərçivəsində danışıqların davam etməsinə baxmayaraq, qarşı tərəf atəşkəs rejiminin tələblərinə riayət etmir. Azərbaycanın məsələnin ərazi bütövlüyü çərçivəsində dinc və ədalətli yolla həll edilməsi cəhdlərinə əks tərəf daim təxribatlarla cavab verir." — deyə Rzayev bildirib.

Millət vəkili qeyd edib ki, Ermənistan dövlətinin apardığı siyasət münaqişənin uzanmasına və daha da gərginləşməsinə səbəb olur. Ona görə də bu atışmaların dərhal qarşısı alınmalı, ATƏT-in Minsk qrupu öz fəaliyyətini təcili gücləndirməlidir.

"Sülh danışıqları prosesi davam etdirilməlidir. Beynəlxalq təşkilatlar məsələyə münasibət bildirməli, atəşkəs bərpa olunmalıdır. Əks halda münaqişənin daha aktiv fazaya keçməsi üçün şərait yarana bilər və münaqişə regionda daha ağır nəticələrə səbəb olar. Bunun isə məsuliyyəti Ermənistan rəhbərliyinin üzərinə düşür." — deyə R.Rzayev əlavə edib.

Xəbər lenti
0