BAKI, 30 dek-Sputnik. Rusiya Prezidenti Vladimir Putin Yeni il münasibətilə Azərbaycan Prezidenti İlham Əliyevə təbrik məktubu göndərib.
Sputnik Rusiya Prezidentinin saytına istinadən xəbər verir ki, Putin başa çatmaqda olan ili Rusiya-Azərbaycan münasibətləri üçün olduqca dolğun və məhsuldar hesab edib.
Rusiya prezidentinin məktubunda, Cənubi Qafqazda və Xəzər regionunda təhlükəsizlik və sabitliyin təminatı ilə bağlı hər iki ölkənin strateji tərəfdaşlığının bundan sonra da möhkəmləndirilməsi istiamətində birgə işin davam edəcəyinə ümid ifadə olunub.
