BAKI, 24 dek — Sputnik. Rusiya baş naziri Dmitri Medvedev 2016-cı il yanvarın 1-dən sonra Türkiyə vətəndaşlarını işə götürməyə icazəsi olan şirkətlərin siyahısını təsdiq edib.
"Mən məlum qadağanın (Türkiyə vətəndaşlarını işə götürmək barədə — red.) şamil edilmədiyi Rusiya şirkət və təşkilatlarının siyahısını müəyyən edən fərmanı imzalamışam. Bu qərarı qəbul edərkən biz maraqlı nazirlik və bölgələrin təklifərini nəzərə almışıq. Siyahıda adı olmayan bütün digər strukturlar Türkiyə vətəndaşlarını işə qəbul edə bilməyəcəklər", — deyə Medvedev Rusiya hökumətinin iclasında məlumat verib.
