BAKI, 17 dek-Sputnik. "Mixail Saakaşviliyə ABŞ-a işçi vizası vermədirlər, Ukraynaya göndərdilər ki, orada işləsin. O da indi Ukraynada aktiv fəaliyyət göstərir. Qərb bununla Ukraynaya göstərir ki, təkcə onu idarə etməklə kifayətlənmir və ora onu idarə edən adamları da göndərir. Bu Ukrayna xalqının üzünə tüpürməkdir."
Bu fikri Rusiya prezidenti Vladimir Putin keçirdiyi 11-ci illik mətbuat konfransında səsləndirib.
Putin Rusiyanın Gürcüstanla viza rejimini ləğv etməyə hazır olduğunu qeyd edib. Hazırkı Gürcüstan rəhbərliyinin davranışlarında münasibətlərin normallaşmasına dair əlamətlər görüdüyünü deyən Putin 2008-ci il hadisələrindən sonra münasibətlərdə baş verən deqredasiyaya görə, Gürcüstanın sabiq prezidenti, Ukraynanın Odessa vilayəti Administrasiyasının hazırkı rəhbəri Mixail Saakaşvilini günahlandırıb: "Bu hadisələrin baş verməsinin məsuliyyəti birbaşa o vaxtkı prezident Mixail Saakaşvilinin üzərinə düşür. Məhz onun yol verdiyi avantüra nəticəsində vəziyyət bu yerə gəldi, Gürcüstan ərazilərinin bir hissəsini itirdi."
Putin həmçinin deyib ki, Cənubi Osetiya və Abxaziya ilə bağlı yaranmış məsələləri Gürcüstan onlarla danışıb razılığa gəlməlidir. O, istənilən razılaşmanı dəstəkləməyə hazır olduqlarını bəyan edib.
