BAKI, 2 dek-Sputnik. Dekabrın 3-4-də isə Belqradda keçiriləcək ATƏT Xarici İşlər Nazirləri Şurasının toplantısında Türkiyə və Rusiya xarici işlər nazirlərinin görüşü baş tuta bilər.
Sputnik xəbər verir ki, bu barədə Rusiya xarici işlər naziri Sergey Lavrov açıqlama verib.
Lavrov "Türkiyə xarici işlər naziri Mövlud Çavuşoğlunun görüşmək təklifini rədd etməyəcəyəm, NATO və Rusiya arasında danışılacaq çox mövzu var, biz bunları müzakirə etməyə hazırıq" — deyə bildirib.
Toplantıda Azərbaycan xarici işlər Naziri Elmar Məmmədyarov da iştirak edəcək.
