BAKI, 27 noy – Sputnik. “Rusiya Dağlıq qarabağ münaqişəsinin həllində irəliləyişə nail olmaqda maraqlıdır”. Bunu jurnalistlərə açıqlamasında xarici işlər naziri Elmar Məmmədyarov deyib. Onun sözlərinə görə, bu məqsədlə Rusiya xarici işlər naziri Sergey Lavrov Bakıda və İrəvanda görüşlər keçirib.
“Lavrov məsələnin həll olunması üçün öz təkliflərini verib”, deyə nazir əlavə edib.
Elmar Məmmədyarov, “Rusiya tərəfi ATƏT-in adından təkliflərini verib və bunun nəticəsi olaraq həmsədrlər prezidentlərin görüşünü təklif ediblər” deyib.
Azərbaycan və Ermənistan prezidentləri arasında görüş dekabrda baş tutacaq.
