BAKI, 26 noy – Sputnik. Türkiyə prezidenti Rəcəb Tayyib Ərdoğanla Rusiyalı həmkarı Vladimir Putin Fransanın paytaxtı Parisdə görüşəcəklər.
Türkiyə mətbuatına görə, görüş iqlim dəyişikliyinə dair Paris sammiti çərçivəsində keçiriləcək.
İki lider arasında təkbətək görüş proqramı nəzərdə tutulmasa da, onların bir araya gələcəyi gözlənilir.
Qlobal iqlim dəyişikliyinə dair sammit noyabrın 30-da Fransanın paytaxtı Parisdə keçiriləcək. Toplantıda 147 ölkənin dövlət və hökumət başçılarının iştirak edəcəyi gözlənilir.
