BAKI, 17 noy — Sputnik. Prezident Vladimir Putin Rusiyaya məxsus təyyarəni partladanlara sərt mesaj verib: “Onları dünyanın hər yerində axtaracağıq və tapıb cəzalandıracağıq.”
Putin bu sözləri Misirin Sinay yarımadası üzərində Rusiyaya məxsus A 321 Airbusunun vurulması ilə bağlı aparılan istintaq qrupunun iclasında deyib.
İclasda çıxış edən Rusiya prezidenti əminlikə bəyan edib ki, təyyarənin vurulmasında əli olan terroristlər dünyanın hansı nöqtəsində olmasından asılı olmayaraq tapılıb cəzalarını alacaqlar: “Biz gərək vaxtından asılı olmayaraq çalışıb bu cinayətkarların adını öyrənək. Biz onları dünyanın hansı nöqtəsində gizlənməsindən asılı olmayaraq hər yerdə axtarmalıyıq.”
Putin onu da əlavə edib ki, kimsə həmin cinayətkar dəstəyə yardım edirsə, bilsin ki, onları gizlətmək cəhdi ilə bağlı bütün məsuliyyət üzərinə düşəcək.
Putin deyib ki, Rusiya ilk dəfə deyil belə bir vəhşi terror aktı ilə qarşılaşır: “Daxili və xarici qüvvlərin dəstəyi ilə 2013-cü ilin sonunda Volqoqrad şəhərində dəmiryol vağzalında törədilən terror hadisəsi baş verib. Biz heç kimi və heç nəyi unutmuruq.”
