BAKI, 30 okt — Sputnik. Rusiyanın Xabarovsk vilayətinin Korfovski qəsəbəsində üçmərtəbəli yaşayış binasında qaz sızması səbəbindən güclü partlayış baş verib.
Ötən gün axşam saatlarında baş vermiş güclü partlayış nəticəsində 5 nəfər ölüb, 3 nəfər xəsarət alıb. Sputnik-in RİA Novosti-yə istinadən verdiyi xəbərə görə, daha 10 sakin FHN xilasedicilərin köməyi və ya özləri dağıntılar altından xilas oluna bilib.
Partlayış nəticəsində 3-cü blokun konstruksiyaları uçub.
Məlumata görə, 27 mənzilli 3 mərtəbəli kərpic bina 1993-cü ildə istifadəyə verilib.
