BAKI, 12 okt – Sputnik. Rusiya polisi paytaxt Moskvada terror aktı törətməyə hazırlaşan dəstəni zərərsizləşdirib.
Dünən gecə paytaxtdakı mənzillərdən birində keçirilən əməliyyat nəticəsində 4 kiloqram partlayıcı tapılıb. Mənzildə yaşayanlar isə polis bölməsinə aparılıb.
Onların neçə nəfər olduqları barədə hələlik məlumat verilməyib.
Rusiya polisi sözügedən dəstənin Moskvada terror hücumuna hazırlaşdıqlarını irəli sürsə də, seçilən hədəf haqqında açıqlama vermir.
