16:08 06 Dekabr 2016
Canlı yayım
Söküntünü həyata keçirən fəhlələr

Milyon yarım azərbaycanlı muzdla çalışacaq

© Sputnik / Farid Babayev
CƏMİYYƏT
Qısa URL
1527 0 0

Səlim Müslümov: "Gələn il hər işçiyə hesablanmış orta əmək haqqı ilin əvvəlinə nisbətən 3,7% artaraq 508 manata çatacaq"

BAKI, 1 dek — Sputnik. "Hazırda Azərbaycanda sosial müdafiə sistemi vasitəsilə 1 milyon 312 min nəfər əmək pensiyası, 506 min nəfər müxtəlif növ müavinət, 162 min ailənin 7 min 700 üzvü isə ünvanlı sosial yardımı alır. Bu insanların aldıqları vəsaitin həcmi Dövlət Sosial Müdafiə Fondunun yerli şöbələri vasitəsilə hər ay təqribən 316 milyon manat təşkil edir".

Салим Муслимов, министр труда и соцзащиты населения Азербайджана
Салим Муслимов, министр труда и соцзащиты населения Азербайджана

Sputnik xəbər verir ki, bunu, parlamentdə Əmək və sosial siyasət, Elm və təhsil, Səhiyyə, Ailə, qadın və uşaq məsələləri və Mədəniyyət komitələrinin birgə iclasında, "Azərbaycan Respublikasının 2017-ci il dövlət büdcəsi haqqında" qanun layihəsinin müzakirəsi zamanı, əmək və əhalinin sosial müdafiəsi naziri Səlim Müslümov deyib. Nazir bildirib ki, 2016-cı ilin 10 ayı ərzində DSMF-in büdcəsinin gəlirləri keçən ilin müvafiq dövrünə nisbətən 200 mln. manat artaraq 2 mlrd. 631 mln. manata çatıb.

"Bu dövrdə məcburi dövlət sosial sığorta haqları üzrə daxilolmalar ötən ilin müvafiq dövrü ilə müqayisədə 5,5% və ya 81 milyon manat artaraq 1 milyard 534 milyon manata çatıb. Qeyri-büdcə sektorundan daxilolmalar sosial sığorta haqlarının 64,2%-ni və ya 985 milyon manatını təşkil edib ki, bu da əvvəlki ilin müvafiq dövrünə nisbətən 4,5% və ya 42,3 milyon manat çoxdur. Hesabat dövründə daxilolmaların səviyyəsi Fondun xərclərinin 98,2%-ni təşkil edən pensiya və müavinətlərin vaxtından əvvəl maliyyələşməsinə imkan verib", — nazir əlavə edib.

S. Müslümovun sözlərinə görə, Azərbaycan əhalisinin sayının 2017-ci ilin sonuna 9,822 mln. nəfərə çatacağı gözlənilir: "Gələn ilin sonuna doğulanların sayının 159 min nəfər, təbii artımın 102,5 min nəfər təşkil edəcəyi, gözlənilən ömür uzunluğunun 75,2 yaşa, o cümlədən qadınlar üzrə 77,6 yaşa, kişilər üzrə 72,7 yaşa çatacağı, 15 yaşadək olanların bütün əhalinin 22,5%-ni, 15-64 yaşda olanların əhalinin 71,3%-ni, 65 yaşdan yuxarı olanların əhalinin 6,2%-ni təşkil edəcəyi gözlənilir".

O bildirib ki, əmək qabiliyyətli yaşda olan əhalinin orta illik sayının 6,2 milyon nəfər olacağı, ölkə əhalisinin 63,1%-ni təşkil edəcəyi, iqtisadiyyatda məşğul olanların orta illik sayının 4 milyon 740 min nəfərə çatacağı və iqtisadi fəal əhalinin 95% təşkil edəcəyi proqnozlaşdırılır: "2017-ci ildə muzdla işləyənlərin orta illik sayı 1 milyon 520 min nəfər və ya məşğul əhalinin 32,1%-i qədər, iqtisadiyyatda sərbəst məşğul əhalinin orta illik sayı isə 3 milyon 220 min nəfər proqnozlaşdırılır. Nəzərdə tutulur ki, hər işçiyə hesablanmış orta əmək haqqı ilin əvvəlinə nisbətən 3,7% artaraq 508 manata çatacaq".

"2017-ci ildə pensiya sisteminə daxil olacaq və pensiya sistemindən çıxacaq pensiyaçıların sayı proqnozlar əsasında, əmək pensiyaçılarının orta illik sayını formalaşdırıb ki, bu da təqribən 1 milyon 324 min nəfər nəzərdə tutulur. Bu, hazırda orta illik saydan təqribən 16 min nəfər çoxdur", — nazir vurğulayıb.

Əlaqədar

Hökumət büdcənin icrasında problemlər olacağını istisna etmir
Gələn ilin dövlət büdcəsi müzakirəyə çıxarıldı
Gələn ilin büdcəsində 650 milyon manatlıq kəsir olacaq
2017-ci il üzrə büdcəsi layihəsi Prezidentə təqdim olunacaq
Büdcə təşkilatlarının idxal mallarını satın alması dayandırılıb
Büdcədəki kəsir nə qədər qorxuludur?
Teqlər:
nazir, Səlim Müslümov, parlament, Milli Məclis, vətəndaş, nəfər, insan, pensiya, əhali, işçi

Əsas mövzular