https://sputnik.az/20230213/azerbaycanda-qadin-mollalar-musahibeden-kecirilecek-451724888.html

Azərbaycanda qadın mollalar müsahibədən keçiriləcək

Azərbaycanda qadın mollalar müsahibədən keçiriləcək

Sputnik Azərbaycan

Onlar Komitə sədrinin əmri ilə İslam dininə aid ibadət yerinə və ya ziyarətgaha qadın dini ayinlərin icraçısı təyin olunacaq. 13.02.2023, Sputnik Azərbaycan

2023-02-13T18:51+0400

2023-02-13T18:51+0400

2023-02-13T18:51+0400

molla

cəmiyyət

dini qurumlarla iş üzrə dövlət komitəsi

https://cdnn1.img.sputnik.az/img/41208/03/412080323_0:77:2001:1202_1920x0_80_0_0_2f331c551be021d2baedb08068f47bda.jpg

BAKI, 13 fevral — Sputnik. 13 fevral tarixindən etibarən Dini Qurumlarla İş üzrə Dövlət Komitəsi tərəfindən İslam dininə aid ibadət yerlərində (məscidlər) vakant vəzifələrin tutulması üçün növbəti müsahibə prosesinə start verilib. Komitədən Sputnik Azərbaycan-a verilən xəbərə görə, müsahibə 3 gün – 15 fevral tarixinədək davam edəcək. Qeyd edək ki, 25 oktyabr - 25 noyabr 2022-ci il tarixində elan edilən müsahibənin bu mərhələsində qadın dini ayinlərin icraçısı vəzifəsinin tutulması üçün müraciət edən namizədlərin seçimi aparılacaq. Qadın din xadimləri ilə bağlı Bakı, Sumqayıt, Gəncə, Şəki, Zaqatala və Quba şəhərlərində, eləcə də Lənkəran rayonunda yerləşən 7 vakant yer üzrə 71 müraciət qeydiyyata alınıb. Dini Qurumlarla İş üzrə Dövlət Komitəsinin ilahiyyatçılardan təşkil etdiyi Müsahibə komissiyası tərəfindən aparılacaq seçimlər Azərbaycan İlahiyyat İnstitutunun binasında təşkil edilir. Müsahibənin nəticələri keçirildiyi gün ərzində Komitənin rəsmi internet saytında (scwra.gov.az) yerləşdiriləcək. Uğur qazanmış namizəd təsdiq edilmiş qaydalara əsasən müsahibə bitdikdən sonra 30 iş günü müddətində Komitə sədrinin əmri ilə İslam dininə aid ibadət yerinə və ya ziyarətgaha qadın dini ayinlərin icraçısı təyin olunacaq.

2023

xəbərlər

ru_AZ

molla, dini qurumlarla iş üzrə dövlət komitəsi