01:33 25 Oktyabr 2020
Canlı yayım
  • USD1.7000
  • RUB0.0274
  • EUR1.9035
DÜNYA
Qısa URL
77 0 0

Mitinqdə "Ya Qarabağ, ya ölüm", "Marş, marş irəli, Azərbaycan əsgəri", "Azərbaycan bir olsun, istəməyən kor olsun" adlı şüarlar səslənib

Şahpəri Abbasova, Sputnik Azərbaycan

BAKI, 5 oktyabr — Sputnik. Türkiyənin İstanbul şəhərində son günlər cəbhədə yaşanan gərginliklərlə bağlı Azərbaycana dəstək vermək, şəhid olan hərbçilərimizi yad etmək və Ermənistanın işğalçı və terrorçu siyasətinə, əl atdığı təxribatlara etiraz səsini ucaltmaq məqsədilə "Ya Qarabağ, ya ölüm" adlı izdihamlı mitinq keçirilib. Bu barədə Sputnik Azərbaycan-a məlumat verən Azərbaycan Mədəniyyət və Həmrəylik Birliyinin yaradıcısı və fəxri sədri Rəşid Mustafazadə bildirib ki, bu tədbir 3 təşkilat tərəfindən həyata keçirilib: "Mitinq olduqca izdihamlı keçib. İyulda da "Can Azərbaycana Canımız fəda" adlı mitinq keçirmişdik. İyuldakından qat-qat çox böyük idi izdiham. Barəsində danışdığımız mitinq Bəyazid meydanında keçirilib".

  • İstanbulda "Ya Qarabağ, ya ölüm" adlı izdihamlı mitinq
    © Photo : Courtesy of Rashid Mustafazade
  • İstanbulda "Ya Qarabağ, ya ölüm" adlı izdihamlı mitinq
    © Photo : Courtesy of Rashid Mustafazade
  • İstanbulda "Ya Qarabağ, ya ölüm" adlı izdihamlı mitinq
    © Photo : Courtesy of Rashid Mustafazade
  • İstanbulda "Ya Qarabağ, ya ölüm" adlı izdihamlı mitinq
    © Photo : Courtesy of Rashid Mustafazade
  • İstanbulda "Ya Qarabağ, ya ölüm" adlı izdihamlı mitinq
    © Photo : Courtesy of Rashid Mustafazade
  • İstanbulda "Ya Qarabağ, ya ölüm" adlı izdihamlı mitinq
    © Photo : Courtesy of Rashid Mustafazade
1 / 6
© Photo : Courtesy of Rashid Mustafazade
İstanbulda "Ya Qarabağ, ya ölüm" adlı izdihamlı mitinq

R.Mustafazadənin sözlərinə görə, baş tutan mitinqdə "Ya Qarabağ, ya ölüm", "Marş, marş irəli, Azərbaycan əsgəri", "Azərbaycan bir olsun, istəməyən kor olsun" adlı şüarlar səslənib: "Tədbir iştirakçıları qarşısında Azərbaycan Mədəniyyət və Həmrəylik Birliyinin sədri Anar Can Kıtay, Turan Ocaqları başqanı Ercan Urçar, cənubi azərbaycanlı Sina Həsəni, Türkiyə Azərbaycan parlamentlərarası dostluq qrupunun sədri, millət vəkili Şamil Ayrım çıxış elədilər. Bundan başqa, digər Türk dünyası ölkələrinin təmsilçiləri olan QHT rəhbərləri, Qazi xanım "Qarabağın Tutusu" ləqəbli Rüxsarə xanım, "Kobra" ləqəbli Pərviz Abdullayev və digər fəallar da çıxış ediblər".

Fəxri sədr onu da əlavə edib ki, mitinqdə Azərbaycan və Türkiyənin dövlət bayraqları ilə yanaşı, dövlətimizi dəstəkləyən digər dost ölkələrin də bayraqları qaldırılıb: "Macarıstan, Suriya türkmənləri, İraq türkmənləri, Güney azərbaycanlılar, Türkmənistandan olan nümayəndələr qatılmışdılar. Çox izdihamlı mitinq oldu. Azərbaycan zəfərinə, Azərbaycan ordusuna yönəlik çıxışlar oldu. Çıxış edənlər bu cür dəstək aksiyalarının dünyanın hər yerində davam etdirilməsi zərurətini vurğulayaraq, dünya birliyindən və beynəlxalq təşkilatlardan Azərbaycan torpaqlarının azad olunması və ərazi bütövlüyünün bərpa olunması, işğalçı Ermənistanın sərt şəkildə cəzalandırılması üçün qətiyyətli addımlar atılmasını tələb ediblər".

Əlaqədar

Dövlət Komitəsi xaricdə yaşayan həmvətənlərimizə müraciət edib
Beşiktaş futbol klubundan Azərbaycana dəstək
Bakı bu gecə yatmır: kəndlərin azad olunması xəbəri paytaxtı coşdurdu - VİDEO
Gürcü dostlarımızdan musiqili hədiyyə: "Sevgili Azərbaycan..." - VİDEO
Bolunun ən yüksək nöqtəsinə bayrağımız asıldı

Əsas mövzular