BAKI, 2 iyul — Sputnik. Rusiya yeni raketini sınaqdan keçirib.
Sputnik Azərbaycan xəbər verir ki, RF Müdafiə Nazirliyi yeni raketin sınağının görüntülərini yayımlayıb.
Raketdən müdafiə sisteminin bir hissəsi olan bu yeni silahın sınağı Qazaxıstanda yerləşən Sarı-Şaqan poliqonunda keçirilib. Sözügedən sistem Rusiya Aerokosmik Qüvvələri tərəfindən hazırda istifadə olunur və aerokosmik hücumlardan müdafiə üçün nəzərdə tutulub.
Məlumata görə, sınaqlar zamanı yeni raket şərti hədəfi uğurla vurub.
Raketin adı və xüsusiyyətləri açıqlanmayıb.
