Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

KTMT üzləri arasında fikir ayrılıqları var – Kreml

© Sputnik / Natalya Seliverstova / Mediabanka keçidRusiya prezidenti Vladimir Putinin mətbuat katibi Dmitri Peskov
Rusiya prezidenti Vladimir Putinin mətbuat katibi Dmitri Peskov - Sputnik Azərbaycan
Abunə olmaq
Üzvlər arasında bəzi fikir ayrılıqları var ki onlar da hazırda həll olunur, bu proses davam edir.

BAKI, 23 fevral — Sputnik. Kollektiv Təhülkəsizlik Müqaviləsi Təşkilatına (KTMT) üzv ölkələr arasında təşkilatın baş katibi məsələsində fikir ayrılıqları var, lakin vəziyyət həll olma prosesindədir. Sputnik Azərbaycan "RİA Novosti"yə istinadən xəbər verir ki, bunu Rusiya prezidenti Vladimir Putinin mətbuat katibi Dmitri Peskov bildirib.

"Nə Kreml, nə də KTMT-nın digər üzvləri bu məsələ ilə bağlı narahat hiss etmir və KTMT rəhbərliyində heç bir vakuum yoxdur. Bildiyiniz kimi orada baş katib səlahiyyətlərini icra edən şəxs var. O yad biri deyil. O, yeni baş katiblə bağlı vəziyyət aydınlaşana qədər öz səlahiyyətlərini icra edə bilər", - deyə Peskov vurğulayıb.

Nikol Paşinyan - Sputnik Azərbaycan
Biz kimə etibar edə biləcəyimizi bilməliyik – Paşinyan KTMT barədə

O, deyib ki, üzvlər arasında bəzi fikir ayrılıqları var ki, onlar da hazırda həll olunur və proses davam edir.

Qeyd edək ki, fevralın 14-ü Belarus XİN-in mətbuat katibi Anatoli Qlaz jurnalistlərə açıqlamasında bildirib ki, Kollektiv Təhlükəsizlik Müqaviləsi Təşkilatının (KTMT) baş katibinin olmaması təşkilatın işinin xeyrinə deyil.

"KTMT baş katibsiz artıq uzun müddətdir ki, fəaliyyət göstərir. Vəziyyət təşkilatın xeyrinə deyil və dərhal həllini istəyir", - deyə Qlaz bildirib.

XİN rəsmisi qeyd edib ki, Astana və Sankt-Peterburqda keçirilən görüşlər zamanı ölkə başçıları Zasın namizədliyini dəstəkləyiblər.

Azərbaycan Respublikasının prezidenti İlham Əliyev - Sputnik Azərbaycan
SİYASƏT
İlham Əliyev: “KTMT-nin yeganə problemi Ermənistandır”

Qlaz əlavə edib ki, Belarus, parlament seçkilərinin keçirilməsi və yeni hökumətin formalaşdırılması ilə bağlı Ermənistan baş naziri Nikol Paşinyanın Belarus prezidenti ilə görüşü imkanının olmamasını anlayışla qarşılayıb. Bu arada Minsk ümid edir ki, yaxın vaxtlarda erməni tərəfi görüşün tarixi barədə məlumat verəcək: "Belarus qarşılıqlı anlaşmaya ümid edir və hesab edir ki, baş katib postu "oteldə bron edilməsi mümkün olan nömrə deyil". Bütün ölkələr bu "texniki an"ın KTMT-niın işinə, həmçinin iştirakçı ölkələr arasında ikitərəfli münasibətlərə təsir etməməsində maraqlıdır".

Qeyd edək ki, KTMT baş katibinin postu artıq yarım ildir ki, boşdur. Növbəlilik qaydasına əsasən növbəti baş katib Belarus tərəfinin namizədi olmalıdır. Respublika bu vəzifəyə Stanislav Zasın namizədliyini irəli sürüb. Lakin hələlik onun təyinatı razılaşdırılmayıb – Ermənistanla razılaşma yoxdur.

Xəbər lenti
0