Leyla Abdullayeva, Sputnik Azərbaycan
BAKI, 6 dekabr — Sputnik. Şabran rayon sakini, 25 yaşlı Bəşirov Elvin Əşrəf oğlu Dağıstanda səkkizmərtəbəli binadan yıxılaraq ölüb. Sputnik Azərbaycan-ın bölgə müxbirinə verilən məlumata görə, hadisə bu gün səhər saatlarında baş verib. Bir qrup azərbaycanlı ilə Dağıstan Respublikasında inşaatda fəhlə işləməyə gedən E.Bəşirov ayağı sürüşərək yıxılıb və hadisə yerində dünyasını dəyişib.
Onu da qeyd edək ki, yaxınların Sputnik Azərbaycan-a verdikləri məlumata görə, Elvin avqust ayında ailə həyatı qurub. Yeni ailə quran Elvin Dağıstana bir neçə həftə öncə gedib.