BAKI, 11 yanvar - Sputnik. Bu il martın sonunda Bakıda Azərbaycan və Belarus yığmaları yoldaşlıq oyunu keçirəcək. Azərbaycan Futbol Federasiyaları Assosiasiyası (AFFA) martın 25-də Bakıda keçiriləcək Azərbaycan və Belarus milli komandaları arasında yoldaşlıq oyununun keçirilməsi ilə bağlı razılığın əldə olunduğunu açıqlayıb.
Oyunun başlama vaxtı və stadionu hələ müəyyənləşməyib.
İki ölkənin milliləri 5-ci dəfə üz-üzə gələcək. Bundan əvvəlki dörd oyunda Azərbaycan komandası iki dəfə qalib gəlib, bir dəfə məğlub olub və bir görüş heç-heçə başa çatıb. Son görüş 2022-ci ilin iyununda UEFA Millətlər Liqası çərçivəsində baş tutub və burada Canni De Byazinin yetirmələri 2:0 hesabı ilə qalib gəliblər.
Bu il Azərbaycan millisi DÇ-2026-nın seçmə mərhələsinin D qrupunda çıxışına sentyabrda başlayacaq oyunlarla başlayacaq. Komandanın rəqibləri UEFA Millətlər Liqasının 1/4 final mərhələsində Fransa və Xorvatiya, eləcə də Ukrayna və İslandiya komandaları arasında keçiriləcək görüşdə müəyyən olunacaq.
Fernandu Santuşun komandası mart və iyun aylarında iki yoldaşlıq oyunu keçirəcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.