BAKI, 28 dekabr — Sputnik. Dekabrın 28-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 28-də kimlər anadan olub?
Zeynəb Xanlarova (1936) - Azərbaycan müğənnisi və SSRİ xalq artistidir.
Tomas Vudro Vilson (1856-1924) - ABŞ-ın 28-ci prezidenti (1913-1921) və 1919-cu il "Nobel" sülh mükafatı laureatıdır.
Tomas Vudro Vilson
© AP Photo
Dama Marqaret Natali (Meggi) Smit (1934) - ingilis aktrisasıdır. O, iki dəfə "Oskar", yeddi dəfə BAFTA, üç dəfə "Qızıl Qlobus" və dörd dəfə "Emmi" mükafatları laureatıdır. Aktrisa "Harri Potter" filmlərində professor Minerva MakQonaqall rolunu oynayıb.
Dama Marqaret Natali (Meggi) Smit
© AP Photo / Anonymous
Denzel Vaşinqton (1954) - ABŞ aktyoru, kinorejissoru və prodüseridir. O, "Oskar" mükafatı laureatıdır.
Denzel Vaşinqton
© AP Photo / Andrew Harnik
Linus Torvalds (1969) - fin-amerikalı proqramçı. Hazırda pulsuz əməliyyat sistemlərinin ən geniş yayılmış "Linux" nüvəsinin proqramlaşdırılmasınının yaradıcısıdır.
Linus Torvalds
© AP Photo / Jarno Mela
Dekabrın 28-də dünyada baş verən tarixi hadisələr
1065-ci ildə Londonda Böyük Britaniya monarxlarının ənənəvi tacqoyma mərasiminin keçirildiyi və dəfn yeri olan Vestminster abbatlığı təqdis olunub.
1869-cu ildə ABŞ-ın Ohayo şəhərində amerikalı Uilyam Semple tərəfindən ilk saqqız patentləşdirilib.
1895-ci ildə Parisdə "Lümyer Qardaşlarının Kinematoqrafiyası"nın ilk ictimai seansı baş tutub. Məhz bu tarix Beynəlxalq Kino Günü kimi qeyd olunur.
1895-ci ildə alman fizik Vilhelm Rentgen ilk dəfə Vürzburqda rentgen şüalarının kəşfi barədə elan edib.
1908-ci ildə Siciliyada baş verən zəlzələ nəticəsində 75 mindən çox insan həlak olub.
2004-cü ildə Azərbaycanda Məhkəmə-Hüquq Şurası haqqında qanun qəbul edilib.
2005-ci ildə Azərbaycanın yeni manatının təqdimatı keçirilib. Pul islahatı nəticəsində yeni 1 manat köhnə 5000 manata bərabər olub.
2010-cu ildə Azərbaycanda ən böyük infrastruktur layihələrindən biri olan Oğuz-Qəbələ-Bakı su kəməri istifadəyə verilib. Azərbaycan Prezidenti İlham Əliyev mərasimdə iştirak edib. Uzunluğu 262 km-dən çox olan kəmərin istifadəyə verilməsi nəticəsində Bakı şəhərinin əhalisinin 75 faizini Ümumdünya Səhiyyə Təşkilatının standartlarına cavab verən təmiz su ilə fasiləsiz təmin etmək mümkün olub.
2019-cu ildən Azərbaycanda Vəkil Günü qeyd olunur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.