Tarixdə bu gün: 22 noyabr – FOTO

Fikrət Əmirov (1922-1984) - Azərbaycan bəstəkarı və SSRİ xalq artistidir. O, müxtəlif illərdə Azərbaycan Dövlət Filarmoniyasının bədii rəhbəri, Azərbaycan Dövlət Opera və Balet Teatrının direktoru olub. Bəstəkarın yaradıcılıq irsinə müxtəlif janrlarda əsərlər, o cümlədən məşhur "Min bir gecə" baleti daxildir.

Cavanşir Quliyev (1950) - Azərbaycan bəstəkarı və Azərbaycan Respublikasının əməkdar incəsənət xadimidir. O, müasir müstəqil Azərbaycanın ilk hərbi himninin, filmlər üçün musiqilərin müəllifidir. Cavanşir Quliyev ilk dəfə saz və zurnanı simfonik orkestrə daxil edib.

Rasim Ocaqov (1933-2006) - Azərbaycan SSR xalq artisti və rejissorudur. Onun ən məşhur filmləri "Təhminə", "Ad günü" və "İstintaq"dır.

Həsən Məmmədov (1938-2003) – Azərbaycanlı aktyor və Azərbaycanın xalq artistidir. O, "Arşın mal alan", "Bir cənub şəhərində", "Yeddi oğul istərəm", "Sevil", "İstintaq", "Həm ziyarət, həm ticarət". "Arxadan vurulan zərbə" və s. filmlərdə rol alıb.

Vladimir Dal (1801-1872) - rusiyalı yazıçısı, etnoqraf və hərbi həkimdir. Yaradılması 53 il çəkən və həcminə görə misilsiz olan "Rus dilinin izahatlı lüğəti"nin tərtibçisidir.

Edvard Berneys (1891-1995) - ABŞ biznes məsləhətçisidir. O, ağıla deyil, şüuraltı hisslər və impulsların manipulyasiyasına əsaslanan müasir kütləvi inandırma elminin yaradılmasına mühüm töhfə verib.

Nikolay Dobronravov (1928-2023) - rusiyalı bəstəkar, kinoaktyor və SSRİ Yazıçılar İttifaqının üzvüdür.

Billi Cin Kinq (1943) - 1960-1980-ci illərdə oynamış amerikalı tennisçidir. O, 39 "Böyük Dəbilqə" turnirinin, tək və qarışıq cütlüklərdə "karyera" Böyük Dəbilqəsinin və ABŞ milli komandasının tərkibində Federasiya Kubokunun yeddiqat qalibidir.

Viktor Saltıkov (1957) - Rusiya müğənnisidir. O, "Manufaktura", "Forum" və "Elektroklub" qruplarının solistidir.

Ceymi Li Kertis (1958) - ABŞ aktrisası, rejissoru, prodüseri və yazıçısıdır. O, BAFTA, "Qızıl Qlobus" və "Saturn" mükafatlarının qalibidir. Kertis əsasən qorxu filmlərin aktrisasıdır.

Mark Ruffalo (1967) amerikalı aktyor və prodüserdir. O, "Emmi" və "SGA Awards" (2015) mükafatlarının laureatı, BAFTA, "Qızıl Qlobus" və "Oskar" mükafatlarının nominantıdır.

Skarlett Yohansson (1984) - ABŞ aktrisası və müğənnisidir. O, 2018 və 2019-cu illərdə ən çox maaş alan qadın sənətçisidir. Aktrisa dəfələrlə "Forbes Celebrity 100"ün siyahısına daxil edilib.

Şaman (1991) - Rusiya müğənnisi, musiqiçisi və bəstəkarıdır. Onun əsl adı Yaroslav Dronovdur.

1918-ci ildə Polşada monarxiya ləğv edilərək respublika elan edilib.

1946-cı ildə İngiltərədə ilk diyircəkli qələmlər satışa çıxarılıb.

1949-cu ildə Azərbaycan SSR Ali Sovetinin qərarı ilə Sumqayıta şəhər statusu verilib. Onun əsası 1938-ci ildə, Xəzər dənizinin sahilində istilik elektrik stansiyasının tikintisinə başlananda qoyulub.

1963-cü ildə ABŞ prezidenti Con Kennedi Dallasa səfəri zamanı öldürülüb.

1977-ci ildə "Konkord" səsdən sürətli sərnişin təyyarəsinin London və Parisdən Nyu-Yorka müntəzəm uçuşları başlayıb.

2000-ci ildən Azərbaycanda Ədliyyə İşçiləri Günü qeyd edilir. Bu tarix təsadüfi seçilməyib - 1918-ci il noyabrın 22-də Azərbaycan Xalq Cümhuriyyətinin Nazirlər Kabineti AXC Ədliyyə Nazirliyinin Əsasnaməsini təsdiq edib.