BAKI, 21 noyabr — Sputnik. İsrailin baş naziri Benyamin Netanyahu və keçmiş müdafiə naziri Yoav Qallantın Qəzza zolağında hərbi cinayətlər törətməkdə ittiham olunaraq həbs edilməsinə order verilib. Bu barədə Beynəlxalq Cinayət Məhkəməsinin (BCM) bəyanatında deyilir.
"BCM-in Məhkəməyə qədər Palatası iki şəxsə, Benyamin Netanyahu və Yoav Qallanta qarşı ən azı 8 oktyabr 2023-cü il tarixindən 20 may 2024-cü il tarixinədək törədilmiş insanlıq əleyhinə və hərbi cinayətlərə görə həbs qərarı çıxarıb", - bəyanatda deyilir.
İnstansiya məhkəməsi xatırladıb ki, mayın 20-də prokurorluq bu orderlərin verilməsi üçün vəsatət qaldırıb.
İsrailin keçmiş müdafiə naziri Yoav Qallant
© AP Photo / Maya Alleruzzo
Məhkəmə həmçinin öz vətəndaşlarına qarşı orderlərə əngəl olmaq üçün BCM-in yurisdiksiyasına etiraz etməyə çalışan İsrailin dəlillərini də rədd edib. İsrail həmçinin bütövlükdə Fələstindəki vəziyyətlə bağlı işlərə baxmaq üçün BCM-nin yurisdiksiyasına etiraz edib.
"İsrailin BCM-nin yurisdiksiyasını qəbul etməsi tələb olunmur, çünki məhkəmə əvvəlki tərkibdə birinci Məhkəməyə qədər Palatanın müəyyən etdiyi Fələstinin ərazi yurisdiksiyası əsasında öz yurisdiksiyasını həyata keçirə bilər. Üstəlik, dövlətlər həbs qərarı verilməzdən əvvəl 19-cu (2) maddəyə əsasən məhkəmənin yurisdiksiyasına etiraz etmək hüququna malikdirlər, buna görə də İsrailin etirazları vaxtından əvvəldir", - bəyanatda deyilir.
May ayında BCM-nin prokuroru Kərim Xan Benyamin Netanyahu və Yoav Qallantın həbsinə order vermək üçün Məhkəməyə qədər Palataya müraciət etdiyini açıqlamışdı. O, bəyanatında qeyd edib ki, onlar Qəzza zolağında 2023-cü ilin oktyabrında başlayan cari hərbi kampaniya zamanı törədilmiş hərbi və insanlığa qarşı cinayətlərə görə məsuliyyət daşıyırlar.
İsrail bu ittihamları rədd edir və BCM ilə əməkdaşlıqdan imtina edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.