Tarixdə bu gün: 18 noyabr – FOTO

BAKI, 18 noyabr — Sputnik. Noyabrın 18-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.

Süleyman Vəzirov (1910-1973) - Azərbaycan SSR-in 1-ci neft sənayesi naziri, Sosialist Əməyi Qəhrəmanı (1944) və Azərbaycan SSR Xalq Təsərrüfatı Şurasının sədridir. O, "Kaqanoviçneft" trestinin – indiki Suraxanı Neftqazçıxarma idarəsinin baş mühəndisi vəzifəsində çalışıb, 1942-1946-cı illərdə isə "Azneftekombinat"ın (1945-ci ildən - "Azneft") rəhbəri təyin edilib. Məhz onun fəaliyyəti sayəsində Böyük Vətən Müharibəsi illərində Azərbaycan neftçiləri 75 milyon ton neft hasil edib, 22 milyon ton benzin və digər neft məhsulları istehsal ediblər.

Vüqar Muradov (1967) - Azərbaycanın əməkdar rəssamı, Azərbaycan Rəssamlar İttifaqının və Fotoqraflar Birliyinin və UNESCO Beynəlxalq Rəssamlar Federasiyasının üzvüdür. Onun əsərləri dəfələrlə beynəlxalq sərgilərdə nümayiş etdirilib.

Karl Mariya fon Veber (1786-1826) - alman bəstəkarı, dirijor və pianoçudur.

Lui Dager (1787-1851) - Fransa rəssamı, kimyaçısı və ixtiraçısıdır. O, daqerrotipiya fotoqrafiya üsulunun yaradıcılarından biridir.

Konstantin Beskov (1 920-2006) - Rusiya futbolçusu və məşqçisidir. O, Moskvanın "Dinamo" klubunda çıxış edib.

Eldar Ryazanov (1927-2015) - Sovet və Rusiya kinorejissoru, ssenaristi, aktyoru, şairi və dramaturqudur. O, "Karnaval gecəsi", "Ünvansız qız", "Qəribə təsadüf və ya həmişə təmizlikdə", "İki nəfərlik vağzal", "İşdə məhəbbət macərası" və s. filmləri çəkib.

Marqaret Etvud (1939) - Kanada yazıçısı, şair və ədəbi tənqidçidir. O, bir çox mükafatların sahibidir.

Oleq Yakovlyov (1969-2017) - rusiyalı müğənni və aktyordur. O, "İvanuşki İnternational" qrupunun keçmiş solisti olub.

1870-ci ildə Fransanın Paris və Tur şəhərləri arasında ilk dəfə rəsmi olaraq göyərçin poçtundan istifadə edilib.

1918-ci ildə Latviya öz müstəqilliyini elan edib.

1999-cu ildə ATƏT-in İstanbul sammiti keçirilib. Burada Azərbaycan İstanbul Bəyannaməsinə və Avropa Təhlükəsizlik Xartiyasına qoşulub.

1999-cu ildə Azərbaycan neftinin Bakı-Tbilisi-Ceyhan əsas ixrac boru kəməri ilə nəqlinə dair Azərbaycan, Gürcüstan və Türkiyə arasında üçtərəfli saziş imzalanıb.

2007-ci ildə Türkiyədə Türkiyə-Yunanıstan qaz kəməri istifadəyə verilib və bu kəmər vasitəsilə Azərbaycan qazının Avropa İttifaqına nəqlinə başlanılıb. Bu tərbirdə Azərbaycan Prezidenti İlham Əliyev iştirak edib.