Tarixdə bu gün: 14 noyabr – FOTO

BAKI, 14 noyabr — Sputnik. Noyabrın 14-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.

Kərim Kərimov (1917-2003) – azərbaycanlı alim və mühəndis, artilleriya general-leytenantıdır. O, kosmosun tədqiqinə mühüm töhfə vermiş sovet kosmik proqramının yaradıcılarından biridir. 1966-1991-ci illərdə pilotlu gəmilərin sınaq uçuşları üzrə dövlət komissiyasının sədri olub.

Rafiq Əliyev (1949-2020) - Azərbaycanın xalq artista və teatr rejissorudur. O, 20-dən çox bədii filmdə rol alıb.

Mixail Lazarev (1788-1851) - Rusiya tədqiqatçısı və admiralıdır. O, Antarktidanı kəşf edənlərdən biridir.

Klod Mone (1840-1926) - Fransa rəssamı və impressionizmin banilərindən biridir.

III Karl (1948) – Böyük Britaniya və Şimali İrlandiya Birləşmiş Krallığının kralıdır. Onun tam adı Çarlz Filipp Arturdur. O, Kraliça II Elizabetin oğludur.

Kondoliza Rays (1954) - Amerika dövlət xadimi, ABŞ-ın 66-cı dövlət katibidir (2005-2009). O, bu vəzifədə olan ilk qaradərili qadındır.

Lolita Milyavskaya (1963) - rusiyalı pop müğənni, aktrisa, teleaparıcı və rejissordur.

Coş Duhamel (1972) - amerikalı aktyor və modeldir. O, "Hamısı mənim uşaqlarımdır" və "Las Veqas" seriallarındakı rolları ilə yanaşı, "Bir zamanlar Romada", "Həyat olduğu kimi" və s. filmlərindəki baş rollarla tanınır.

1900-cü ildə Fransa Senatı qadınların vəkillikdə işləmək icazəsini təsdiqləyib.

1901-ci ildə Vyana həkimi Karl Landştayner bütün qan nümunələrini üç qrupa ayırıb: A, B və 0.

1903-cü ildə Hollandiya elektrokardioqrafın ixtirası barədə məlumat verilib.

1936-cı ildə SSRİ-də Hidrometeorologiya Xidməti yaradılıb.

1991-ci ildə Beynəlxalq Diabet Federasiyası (BDF) və Ümumdünya Səhiyyə Təşkilatının təşəbbüsü ilə Ümumdünya Diabetlə Mübarizə Günü təsis edilib.

1994-cü ildə Paris və London arasında La Manş tuneli vasitəsilə nəqliyyat yolu açılıb.