BAKI, 3 noyabr - Sputnik. ABŞ proksi yox, Rusiya Federasiyasına qarşı əsl müharibə aparır. Belə bir bəyanatla Rusiya Federasiyası Təhlükəsizlik Şurasının sədr müavini Dmitri Medvedev çıxış edib.
"Bu, artıq proksi deyil, bu sadəcə müharibədir. Bu, əsl müharibədir", - Medvedev RT-yə müsahibəsində bildirib.
D.Medvedev qeyd edib ki, Rusiyanın hazırkı opponentləri Ukraynaya istənilən silahı tədarük etmək, ora hərbi əməliyyatların aparılması ilə bağlı məsləhətlər verəcək müşavirlər göndərmək, həmçinin Qərb mütəxəssislərinin raket zərbələri endirəcəyi Rusiya obyektlərinin koordinatlarını vermək hüququna malik olduqlarını iddia edirlər.
“Yəni mahiyyət etibarı ilə bu, Rusiyaya qarşı müharibənin aparıldığının etirafıdır”, - Medvedev vurğulayıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.