BAKI, 31 oktyabr — Sputnik. Oktyabrın 31-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Oktyabrın 31-də kimlər anadan olub?
Aleksandr Alyoxin (1892-1946) - Rusiya və Fransa şahmatçısı və şahmat üzrə dördüncü dünya çempionudur. O, Birinci Dünya Müharibəsinə qədər dünyanın ən güclü şahmatçıları sırasında olub, 1914-cü ildə Sankt-Peterburq turnirində üçüncü yeri tutub və 1920-ci ildə RSFSR-in ilk çempionu olub.
Aleksandr Alyoxin
© Photo : Public Domen
Anatoli Papanov (1922-1987) - Sovet teatr və kino aktyoru, rejissor və SSRİ xalq artistidir. O, "53-cü ilin soyuq yayı", "12 stul", "Brilyant əl", "Dirilər və ölülər" və s. filmlərdə rol alıb.
Anatoli Papanov
© Sputnik
Dermot Mulruni (1963) - ABŞ aktyoru və musiqiçisidir. O, "Ən yaxşı dostumun toyu", "Betmen", "Samanta", "Cəngəllikdə Motsart" və bir çox filmlərdə oynayıb.
Dermot Mulroney
© AP Photo / Jordan Strauss
31 oktyabr tarixində dünyada baş verən tarixi hadisələr
1876-cı ildə Hindistanda qasırğa 200.000 insanın həyatına son qoyub.
1961-ci ildə İosif Stalinin cənazəsi Lenin mavzoleyindən çıxarılaraq Kreml divarı yaxınlığındakı məzarda dəfn edilib.
1984-cü ildə İndira Qandi öz mühafizəçisi tərəfindən qətlə yetirilib.
1996-cı ildə Qara dəniz ölkələri - Rusiya, Bolqarıstan, Gürcüstan, Rumıniya, Türkiyə və Ukrayna Qara dənizin mühafizəsi və bərpası üzrə Strateji Fəaliyyət Planı imzalayıblar. Bu bu gün Beynəlxalq Qara Dəniz Günü kimi qeyd olunmağa başlayıb.
1996-cı ildə San Paulodan Rio-de-Janeyroya oradan da Resifiyə müntəzəm uçan "Transportes Aéreos Regionais" aviaşirkətinin "Fokker 100" təyyarəsi havaya qalxdıqdan 24 saniyə sonra San Paulonun sıx məskunlaşdığı əraziyə çırpılıb. Qəza nəticəsində 99 nəfər - təyyarədə olan 95 nəfərin hamısı (89 sərnişin və 6 ekipaj üzvü) və yerdə olan 4 nəfər həlak olub.
2011-ci ildə dünya əhalisinin sayı 7 milyard nəfəri keçib.