Tarixdə bu gün: 28 oktyabr – FOTO

Mirzə İbrahimov (1911-1993) - Azərbaycanın xalq yazıçısı, dramaturqu və əməkdar incəsənət xadimidir. O, Beynəlxalq Nehru mükafatı və Azərbaycan Dövlət mükafatı laureatıdır. Yazıçı "Giqantlar ölkəsində", "Həyat üçün", "Həyat və ədəbiyyat", "Gələcək üçün" əsərlərinin müəllifidir.

Kano Ciqoro (1860-1938) - yapon döyüş sənəti ustası, cüdonun yaradıcısı və Kodokan məktəbinin qurucusudur.

Qarrinça (1933-1983) - braziliyalı futbolçu və sağ cinah müdafiəçisidir. Onun əsl adı Manuel Fransisku dus Santusdur. O, Beynəlxalq Futbol Tarixi və Statistikaları Federasiyasının sorğusuna əsasən, dünyanın ən yaxşı futbolçuları sırasında 8-ci və XX əsrin Cənubi Amerikasının ən yaxşı futbolçuları arasında 4-cü yerdədir. Braziliyada Qarrinça milli futbol tarixində Peledən sonra ikinci oyunçu hesab olunur.

Bill Qeyts (1955) - amerikalı sahibkar və ictimai xadimdir. O, "Microsoft"un keçmiş ən böyük səhmdarıdır.

Eros Ramazzotti (1963) - italiyalı müğənnidir. O, albomlarını əsasən italyan və ispan dillərində buraxıb.

Culiya Roberts (1967) - ABŞ kino aktrisasıdır. O, "Gözəlçə", "Ouşenin 11 dostu", "Çarli Uilsonun müharibəsi", "Sevgililər günü" və s. filmlərdə rol alıb.

1886-cı ildə Nyu Yorkda Azadlıq heykəlinin açılışı olub.

1914-cü ildə "Kodak" şirkəti rəngli fotoqrafiya texnologiyasını inkişaf etdirməyə başlayıb.

1972-ci ildə dünyanın ilk iki mühərrikli geniş gövdəli "Airbus A300" sərnişin təyyarəsinin ilk uçuşu baş tutub. Bu, "Airbus" tərəfindən hazırlanmış ilk təyyarədir.

1995-ci ildə Azərbaycanda "Ulduz" və "Nərimanov" stansiyaları arasındakı tuneldə yerləşən Bakı metropoliteninin qatarında yanğın baş verib, nəticədə 289 nəfər (126 qadın, 28 uşaq, 3 xilasedici) həlak olmuş, 270 nəfər yaralanıb. Yanğına səbəb vaqonda yaranan texniki nasazlıqlar və sürücünün səhv hərəkətləri olub. Araşdırma zamanı terror aktı əlamətləri aşkar edilməyib.

2002-ci ildə Beynəlxalq Animasiya Filmləri Assosiasiyasının Fransa bölməsinin təşəbbüsü ilə Beynəlxalq Animasiya Günü təsis edilib.

2011-ci ildə Beynəlxalq Cüdo Federasiyası Ümumdünya Cüdo Gününü təsis edib və bu idman növünün banisi Ciqoro Kanonun doğum günü həsr olan 28 oktyabrda qeyd olunur.

2020-ci ildə İkinci Qarabağ müharibəsi zamanı Azərbaycan ordusu Zəngilan rayonunun Birinci Ağalı, İkinci Ağalı, Üçüncü Ağalı, Zərnəli kəndlərini, Füzuli rayonunun Mandılı kəndini, Cəbrayıl rayonunun Qazənzəmi, Xanağabulaq, Çullu, Quşçular, Qaraağac kəndlərini, Qubadlı rayonunun Qiyaslı, Əbilcə və Qılıcan kəndlərini erməni işğalından azad edib.