BAKI, 23 oktyabr — Sputnik. İranın strateji mövqedə yerləşməsi onu Şimal-Cənub və Şərq-Qərb beynəlxalq nəqliyyat dəhlizlərində əlverişli keçid halına gətirir. Bunu İran prezidenti Məsud Pezeşkian BRİKS-in Kazanda keçirilən sammiti çərçivəsində dar tərkibdə keçirilən görüşdə deyib.
“Konstruktiv əməkdaşlığı inkişaf etdirməklə biz enerji resursları və malların daşınması üçün yeni şəbəkə yarada bilərik” – Pezeşkian qeyd edib.
İran prezidentinin fikrincə, qlobal iqtisadiyyatın ən mühüm problemlərindən biri Qərb dövlətlərinin birtərəfli qaydada tətbiq etdiyi sanksiyalardır və onlarla ölkədə milyonlarla insan onlardan təsirlənir.
Pezeşkian hesab edir ki, qeyri-qanuni sanksiyalara qarşı mübarizə birgə fəaliyyət və mexanizmlər tələb edir.
"Xoşbəxtlikdən, BRİKS sanksiyalar siyasəti ilə razılaşmadığını dəfələrlə bildirib. Bundan əlavə, praktiki və təsdiqlənmiş addımlara ehtiyac var", İran prezidenti qeyd edib.
Oktyabrın 22-dən 24-dək Kazanda dövlət başçılarının iştirakı ilə BRİKS sammiti keçirilir.
BRİKS 2006-cı ildə Rusiya, Çin, Hindistan və Braziliya tərəfindən yaradılmış dövlətlərarası birlikdir. Yanvarın 1-dən assosiasiyaya Rusiya sədrlik edir. 2024-cü ilin əvvəlindən Misir, Efiopiya, İran, BƏƏ və Səudiyyə Ərəbistanı BRİKS-ə qoşulub. Rusiyanın BRİKS-ə sədrliyi ədalətli qlobal inkişaf və təhlükəsizlik üçün çoxtərəfliliyin gücləndirilməsi şüarı altında keçirilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.