BAKI, 14 oktyabr — Sputnik. BRİKS bir çox ölkələr üçün cəlbedici bir birliyə çevrilib. Çünki o, qarşılıqlı hörmət əsasında əməkdaşlıq təklif edir.
Bunu Rusiya prezidentinin mətbuat katibi Dmitri Peskov brifinq zamanı bildirib.
Onun sözlərinə görə, bu gün Qərbdə, məsələn, G7 kimi hətta güclənən ölkələrə belə qapılarını bağlı saxlayan qapalı klublar var. Söhbət Çin və Hindistandan gedir.
"BRİKS tamamilə bərabər, qarşılıqlı hörmətə əsaslanan qarşılıqlı fəaliyyət və əməkdaşlıq təklif edən daha demokratik bir birlikdir" - Kreml nümayəndəsi qeyd edib.
Xatırladaq ki, BRİKS dövlətlərarası assosiasiya 2006-cı ildə Rusiya, Çin, Hindistan və Braziliyanın səyləri ilə yaradılıb. 2011-ci ildə Cənubi Afrika, bu ilin əvvəlindən isə BƏƏ, Misir, İran, Səudiyyə Ərəbistanı və Efiopiya BRİKS-ə qoşulublar.
Bundan əvvəl Dmitri Peskov Rusiyanın hansı sahədə ABŞ-la necə yaxşı əməkdaşlıq etdiyini açıqlamışdı.