BAKI, 6 oktyabr — Sputnik. Yaponiya hökuməti Rusiya Federasiyası ilə sülh müqaviləsi bağlamağa yönəlmiş siyasəti davam etdirəcək.
Bunu Yaponiya Nazirlər Kabinetinin yeni rəhbəri Siqeru İşiba ölkə parlamentindəki ilk əsas nitqində bildirib.
"Yaponiya-Rusiya münasibətləri çətin vəziyyətdədir, lakin ölkəmiz ərazi probleminin həlli və sülh müqaviləsinin bağlanması istiqamətində kursunu davam etdirəcək" – "TASS" baş nazirdən sitat gətirib.
Eyni zamanda, Nazirlər Kabinetinin rəhbəri Yaponiyanın davamlı sanksiya təzyiqini, eləcə də Tokionun Kiyevə dəstəyini açıqlayıb.
Xatırladaq ki, oktyabrın 1-də baş nazir Fumio Kişidanın rəhbərlik etdiyi Yaponiya hökumətinin istefa verdiyi məlum olub. Liberal Demokrat Partiyasının sədri Siqeru İşiba ölkənin Nazirlər Kabinetinin yeni rəhbəri seçilib.