BAKI, 3 oktyabr — Sputnik.Rusiya Xarici İşlər Nazirliyi sistematik olaraq Ukrayna Silahlı Qüvvələri tərəfindən törədilən cinayətlər barədə məlumatları BMT-nin İnsan Hüquqları üzrə Ali Komissarlığının İdarəsinə ötürür, lakin bu xəbərlərə cavab yoxdur.
Bu barədə "RİA Novosti"yə Rusiya Xarici İşlər Nazirliyinin Kiyev rejiminin cinayətləri üzrə səlahiyyətli nümayəndəsi Rodion Miroşnik məlumat verib.
"BMT-nin İnsan Hüquqları üzrə Ali Komissarlığı əvvəllər də Kiyev yaraqlılarının cinayətləri ilə bağlı bizim istintaq orqanlarının apardığı araşdırmalar əsasında Rusiya Xarici İşlər Nazirliyinin bölmələri tərəfindən mütəmadi olaraq onlara göndərilən çoxlu məlumatlara malik idi" - o qeyd edib.
Miroşnikin sözlərinə görə, qurum Rusiya Federasiyasının verdiyi məlumatlara, sadəcə olaraq məhəl qoymur. O, həmçinin vurğulayıb ki, son on ildə ukraynalı yaraqlılar məhbuslara qarşı qəbuledilməz münasibət nümayiş etdirirlər.
Miroşnik daha əvvəl Ukrayna ordusunda 70 minə yaxın qadının xidmət etdiyini bildirmişdi.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.