BAKI, 15 sentyabr - Sputnik. "Alpin" pilotu Pyer Qasli Bakıda keçirilən "Formula 1" üzrə Azərbaycan Qran-prisində cəzalandırılıb.
Bu barədə yarışın mətbuat xidməti məlumat yayıb.
Qərarı Beynəlxalq Avtomobil Federasiyasının stüardları qəbul ediblər.
Bildirilib ki, sürücünün bolidi sıralama turunda icazə verilən yanacaq sərfiyyatını aşıb.
O, bu səbəbdən diskvalifikasiya olunub.
Qasli sıralama turunda 13-cü yeri tutsa da, əsas yarışa sonuncu - 20-ci pillədə start verəcək.
Qeyd edək ki, Azərbaycan Qran-prisinin əsas yarışı saat 15:00-da başlayacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.