BAKI, 14 sentyabr - Sputnik. Dünya şöhrətli aktyor və musiqiçi Uill Smit Formula 1 Azərbaycan Qran Prisinin padokunu gəzib. Bu, müğənninin Bakıya ilk səfəridir. İfaçı sentyabrın 13-də “Baku Crystal Hall”da “kral yarışı”nın açılışında konsert verib. Bu gün isə o, pilotlarla söhbət etmək qərarına gəlib və hətta yerli pərəstişkarları ilə şəkil çəkdirib.
"Azərbaycan gözəl ölkədir. Burada mənə çox yaxşı hədiyyə etdilər. Pərəstişkarlarıma təşəkkür edirəm!", - Uill Smit Sputnik Azərbaycan-a bildirib.
Uill Smit Bakıda, arxiv
© Photo : Baku City Circuit
Uill Smit ABŞ aktyoru və məşhur hip-hop ifaçısıdır. 2008-ci ildə o, il ərzində 80 milyon dollar gəlirlə ən çox qazanan Hollivud sənətçiləri arasında Forbes siyahısına başçılıq edib.
Uill Smit də rekorda sahibdir - o, tarixdə ardıcıl doqquz filminin hər biri 100 milyon ABŞ dollarından çox gəlir əldə edən ilk aktyor olub.
Uill Smit Bakıda, arxiv
© Photo : Baku City Circuit
Tamaşaçılar arasında ən böyük şöhrəti “Beverli Hillzin təzə şahzadəsi” serialı, “Pis oğlanlar”, “Müstəqillik günü” filmləri, “Qara geyimli adamlar”, “Dövlət düşməni”, “Mən Robotam”, “Xoşbəxtlik axtarışında” , “Mən əfsanəyəm” ekran əsərləri gətirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.