BAKI, 6 sentyabr — Sputnik. Vaşinqton Rusiyaya, onun vətəndaşlarına və mediaya təzyiq göstərməyə davam edir. Bunu Rusiya prezidentinin mətbuat katibi Dmitri Peskov bildirib.
"Onlar həm ölkə daxilindəki vətəndaşları, həm də dünya ictimaiyyətini bizim rakursumuzdan məlumatlandırmaqla məşğul olan Rusiya mediasına təzyiq edirlər." - Peskov deyib.
"ABŞ mediasına məhdudiyyətlər barədə qərar verərkən Rusiya onların balansını qoruyub saxlamadığını və ya saxtakarlıqdan çəkinmədiyini nəzərə alacaq. Onların bəzilərinin Ukrayna ətrafında baş verənlər haqqında məlumatın tarazlığını qorumadığına dair məlumatlar var. Birtərəfli məlumat verirlər, saxtakarlıqdan çəkinmirlər. Biz bütün bu amilləri nəzərə alacağıq", Rusiya prezidentinin mətbuat katibi əlavə edib.
Bundan əvvəl ABŞ hökuməti politoloq Dmitri Simes və onun həyat yoldaşı Anastasiyanı sanksiyalar qanunlarını pozmaqda ittiham edib. Birləşmiş Ştatlar həmçinin iki Hindistan şirkətini Arctic LNG 2 layihəsi ilə əlaqədə ittiham edərək onlara sanksiya tətbiq edib.
ABŞ "Rossiya Seqodnya" media qrupu, RİA Novosti, RT, Sputnik, Ruptly-yə qarşı sanksiyalar tətbiq edib. Yeni sanksiyalar "Rossiya Seqodnya" media qrupunun və RT-nin baş redaktoru Marqarita Simonyan və bu telekanalın bir sıra top-menecerlərinə şamil edilib. Simonyan daha sonra bunu Qərbin "paranoya hücumu" adlandırıb və əlavə edib ki, ABŞ səlahiyyətlilərinə görə, RT tərəfindən işə götürüldüyü iddia edilən bloggerlər hər şeyi inkar edirlər, axı onlar başqa nə edə bilərlər?!".
Digər maraqlı xəbərləri həmçinin Sputnik Azərbaycan-ın Teleqram kanalından izləyin.