BAKI, 23 iyul — Sputnik. Almaniya kansleri Olaf Şolts Almaniya vətəndaşlarının Rusiya qazını adekvat qiymətə almasını istəmir. Bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.
Diplomatın sözlərinə görə, Berlin Almaniya vətəndaşlarını daim Rusiyanın guya mavi yanacağı tədarükünü dayandırdığına inandırır. Zaxarova isə bunun yalan olduğunu vurğulayıb.
Mariya Zaxarova
© Sputnik / Владимир Астапкович
"Bütün deyilənlər doğru deyil. Bu, Almaniya hökumətinin, xüsusən də Şoltsun söylədiyi yalandır. Rusiya qaz tədarük edib, hətta SSRİ dövründən həmişə belə olub. Bu tədarükü heç vaxt kəsməyib. Yalnız "Şimal axını"na qarşı törədilmiş terror aktı bu tədarükləri dayandırıb", - Zaxarova bildirib.
Rusiya XİN-in nümayəndəsi əlavə edib ki, onların fəaliyyəti bərpa oluna bilər. Bunun üçün bir neçə həftə lazımdır.
Zaxarova onu da bildirib ki, Almaniya belə bir qərar verərsə, qaz tədarükü yenidən bərpa olunacaq.
Bu yaxınlarda Rusiya Energetika Nazirliyi Qara dəniz və Baltikyanı ölkələrin limanlarında daşınmaqla Çinə neft ixracının artımını perspektivli hesab edib. Energetika nazirinin müavini Sergey Moçalnikov müvafiq təşəbbüsün həyata keçirilməsində Çin şirkətlərinə dəstək verməyə hazır olduğunu təsdiqləyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.