Tarixdə bu gün: 15 iyul – FOTO

Cəlal Qaryağdı (1914-2001) - Azərbaycan SSR xalq rəssamı və heykəltəraşdır. Onun ən əhəmiyyətli əsərləri Bakıdakı Nəriman Nərimanovun heykəli, Bərdədəki şəhid olmuş əsgərlərin xatirəsinə ucaldılmış abidə və Lənkəranda general Həzi Aslanovun büstüdür.

Azər Rzayev (1930-2015) - Azərbaycan SSR xalq artisti və bəstəkardır. O, 1972-1987-ci illərdə Azərbaycan Opera və Balet Teatrının direktoru olub. Bəstəkar teatr tamaşalarına və filmlərə musiqilər yazıb.

Ayris Mördok (1919-1999) - ingilis yazıçısıdır. O, "Buker" mükafatının bir neçə dəfə laureatı olub. Yazıçı "Şəbəkə altında", "Kəsilmiş baş", "Birbuynuzlu at" və "Qara Şahzadə" və əsərləri ilə ilə tanınıb.

Terri O'Kuinn (1952) - ABŞ aktyorudur. O, "Sağ qalmaq" və "Minillik" filmlərində rol alıb. Aktyor "Sağ qalmaq" serialındakı roluna görə "Dramda ən yaxşı ikinci plan aktyoru" kateqoriyasında ABŞ-ın "Emmi" mükafatına layiq görülüb.

Forest Uitaker (1961) - ABŞ aktyoru, rejissoru və prodüseridir. O, "Oskar", "Qızıl Qlobus", "BAFTA" və "Emmi" mükafatlarının qalibidir. Aktyor ən yaxşı aktyor nominasiyasında "Oskar" qazanan dördüncü afroamerikalı olub.

Brayan Ostin Qrin (1973) - amerikalı aktyordur. O, 1990-2000-ci illərdə oynadığı "Beverli Hills, 90210" televiziya serialındakı Devid Silver rolu ilə məhşurluq qazanıb.

1783-cü ildə fransız mühəndis Klod Fransua Dorote de Joffrua, Lion yaxınlığındakı Sona çayında tarixin ilk paroxodunu sınaqdan keçirib. 182 ton yerdəyişmə qabiliyyətinə malik olan gəmi tək silindrli üfüqi mühərriklə idarə olunub. Cərəyana qarşı 365 metr məsafəni qət edərək gəmi sahilə yaxınlaşmaq məcburiyyətində qalıb.

1815-ci ildə Napoleon Bonapart İngiltərənin "Bellerofont" gəmisinin kapitanına təslim olub. Bundan sonra o, Müqəddəs Yelena adasına sürgün edilib və 1921-ci ildə orada həyatını itirib.

1954-cü ildə ABŞ-da "Boeing 707" adlı dörd turbinli reaktiv avialayner sınaq uçuşunu həyata keçirib.

1996-cı ildə Bakı Ali Hərbi Dənizçilik Məktəbinin bazasında Azərbaycan Dövlət Dəniz Akademiyası yaradılıb.