BAKI, 6 iyul - Sputnik. İranda keçirilən prezident seçkilərinin ikinci turunda İslahatçı namizəd olan Məsud Pezeşkian qalib gələrək ölkənin 9-cu prezidenti seçilib.
RİA Novosti xəbər verir ki, bu barədə İran Daxili İşlər Nazirliyinin tərkibinə daxil olan İran Seçki Komissiyasının rəhbəri Möhsün Eslami bildirib.
“Məsud Pezeşkian 16 milyon 384 min 403, Səid Cəlili isə 13 milyon 538 min 179 səs toplayıb. Bu əsasda Məsud Pezeşkian İran İslam Respublikasının 14-cü prezident seçkilərində seçilmiş (prezident – red.) elan edilir”, - SNN agentliyi Eslamiyə istinadən xəbər verir.
Onun sözlərinə görə, ümumilikdə 30 milyon 573 min 931 səs hesablanıb, seçicilərin 49,8 faizi iştirak edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.