Tarixdə bu gün: 27 iyun

Cey Cey Abrams (1966) - amerikalı kinorejissor, ssenarist, prodüser. O, daha çox döyüş, dram və elmi fantastika janrlarındakı işləri ilə tanınır. Abrams "Henriyə gəldikdə", "Əbədi gənc", "Armageddon", "Monstro", "Ulduz yolu", "Ulduz döyüşləri: güc oyanır" və "Ulduz döyüşləri: Skayuoker. Günəşin doğuşu" kimi filmlərin ssenari müəllifi və ya prodüseridir.

Viktor Drobış (1966) - rus bəstəkarı və musiqi prodüseri, Rusiya Federasiyasının əməkdar artisti. Avroviziya 2012-də 2-ci yeri tutmuş "Buranovskie Babuşki"nin ifasında "Party for Everybody" mahnısının bəstəkarlarından biri. Valeriya, Qriqori Leps, Stas Pyexa, Nastya Samburskaya, Nikolay Noskov ilə əməkdaşlıq edir.

Tobi Maquayr (1975) - Amerika aktyoru və kino prodüseri. O, daha çox Sem Reyminin "Hörümçək adam" trilogiyasında (2002-2007) baş qəhrəmanı oynamaqla tanınır. Daha sonra o, bu rolu "Hörümçək-adam: Evə yol yoxdur" filmində təkrar edib və "bir filmdə Marvel superqəhrəmanı kimi ən uzun müddət sürən rolu" ilə Ginnesin Rekordlar Kitabına düşüb.

Alsu (1983) - rus müğənnisi, teleaparıcısı, aktrisası, Rusiya Federasiyasının əməkdar artisti, Tatarıstan Respublikasının xalq artisti. Rusiyanın Avroviziya 2000 musiqi müsabiqəsindəki təmsilçisi kimi ikinci yeri tutub.

Ed Vestvick (1987) britaniyalı aktyor, model və musiqiçidir. O, daha çox "Qeybətçi xanım" televiziya serialında Çak Bass rolu ilə tanınır.

1905-ci ildə Qara dənizdə "Potyomkin" döyüş gəmisinin ekipajının üsyanı baş verib.

1918-ci ildə Azərbaycan dili ADR-in dövlət dili elan edilib.

1931-ci ildə ABŞ-da ixtiraçı İqor Sikorski ilk helikopterin ixtirasına patent alıb.

1985-ci ildən Ümumdünya Balıqçılıq günü qeyd edilir.